ΕΝΟΤΗΤΑ 14B Αἰλιανοῦ, Περί ζῴων ἰδιότητος 2.8 (διασκευή) Οἱ δέ παρανηχόμενοι δελφῖνες τούς ἐξωτέρω τῶν ἰχθύων φοβοῦντες ὠθοῦσι καί τοῦ διαδιδράσκειν ἀναστέλλουσιν. Οὐκοῦν ἐκεῖνοι πιεζόμενοι πανταχόθεν καί τρόπον τινά κεκυκλωμένοι ἁλίσκονται. Καί οἱ δελφῖνες προσίασιν ὡς ἀπαιτοῦντες τοῦ κοινοῦ πόνου τήν ἐπικαρπίαν τήν ὀφειλομένην σφίσιν ἐκ τῆς νομῆς, καί οἵ γε ἁλιεῖς πιστῶς καί εὐγνωμόνως ἀφίστανται τοῖς συνθήροις τοῦ δικαίου μέρους, εἰ βούλονται καί πάλιν σφίσι συμμάχους ἀκλήτους παρεῖναι.